Улсын бүртгэлийн ерөнхий газрын даргын баталсан хөтөлбөрийн дагуу Улсын бүртгэлийн нэгдсэн архивын даргаар ахлуулсан 8 хүний бүрэлдэхүүнтэй сургалтын баг “ОРОН НУТГИЙН УЛСЫН БҮРТГЭЛИЙН ХЭЛТСИЙН АЛБАН ХААГЧДАД ЗОРИУЛСАН СУРГАЛТ”-ыг Дорноговь аймагт 2019 оны 04 дүгээр сарын 21, 22-ны өдөр “ИРГЭН ТӨВТЭЙ ТӨРИЙН ҮЙЛЧИЛГЭЭ” сэдвийн хүрээнд зохион байгууллаа.
Уг сургалтад төвийн болон сумдын нийт 28 албан хаагч хамрагдсан бөгөөд танхимын сургалт, ажлын байран дахь сургалт гэсэн 2 үндсэн чиглэлээр илтгэл тавих, асуулт хариулт, хэлэлцүүлэг хэлбэрээр зохион байгуулсан нь бүртгэлийн үйл ажиллагаанд тулгамдаж байгаа, эргэлзээтэй байсан олон асуудлыг нээлттэй ярилцаж, газар дээр нь хариулт өгч, Улсын бүртгэлийн шинэчилсэн багц хууль, холбогдох журмын талаар нэг мөр ойлголт өгсөн үр дүнтэй сургалт болсон.
