Улсын бүртгэлийн байгууллагын удирдах ажилтны цахим сургалт боллоо

Улсын бүртгэлийн байгууллагын удирдах ажилтны цахим сургалт өнөөдөр /2020.04.15/ эхэлж, байгууллагын дотоод үйл ажиллагааг шуурхай, нэгдсэн удирдлагаар хангах, цаг үеийн нөхцөл байдлын талаарх санал, мэдээлэл солилцох, мөн орон нутаг дахь Улсын бүртгэлийн газар, хэлтсийн удирдлагуудад үүрэг чиглэл, зөвлөмж өгөхөөр зохион байгуулагдаж байна.

Сургалт хоёр өдөр буюу 2020 оны 04 дүгээр сарын 15, 16-ны өдрүүдэд цахим хэлбэрээр явагдах бөгөөд Орон нутаг дахь Улсын бүртгэлийн газар, хэлтсийн дарга нар цахимаар холбогдож сургалтад оролцож байна.

Улсын бүртгэлийн байгууллагын сүүлийн үед хийж хэрэгжүүлж буй үйл ажиллагаа болоод удахгүй болох сонгуулийн ажилд бүх газар хэлтсүүд анхаарч, алдаа дутагдалгүй, хариуцлагатай хандаж хичээнгүйлэн ажиллахыг УБЕГ-ын дарга Б.Баасандорж сургалтын эхэнд онцолж байв. Мөн өнөөдрийн сургалтаар хэн ямар сэдвээр чиглэл өгөхийг товчхон танилцуулж, Улсын бүртгэлийн байгууллагын ажилтан, албан хаагчид сахилга бат, хариуцлага ёс зүйг чандлан сахиж ажиллахыг дурдав. Түүнчлэн Улсын бүртгэлийн байгууллагын 2019 оны үр дүнгийн талаарх товч мэдээлэл хүргэхийн сацуу уг ажлын тайлан мэдээнд Дорнод аймаг дахь Улсын бүртгэлийн хэлтсийн хамт олны ажлын үзүүлэлт сайн байсныг сайшаав.

Үргэлжлүүлэн УБЕГ-ын  Тамгын газрын дарга  Г.Цолмон, Захиргаа, эрх зүйн хэлтсийн дарга Г.Мөнхцэцэг нар  “Улсын бүртгэлийн ерөнхий газраас  удирдлага, зохион байгуулалтын хүрээнд авч хэрэгжүүлсэн зарим ажлууд” сэдвээр мэдээлэл хүргэв. Үүний дараа “Иргэний улсын бүртгэл, сонгогчийн бүртгэл, хэрэгжилт болон анхаарах асуудал” сэдвийн хүрээнд Иргэний улсын бүртгэлийн газрын дарга Т.Нармандах, “Эд хөрөнгийн эрхийн улсын бүртгэлийн цахим системийн боловсруулалт, мэдээллийн санг үнэн зөв бүрдүүлэх“ сэдвийн хүрээнд Эд хөрөнгийн эрхийн улсын бүртгэлийн газрын дарга Б.Ариунболд, “Хуулийн этгээдийн эцсийн өмчлөгчийг бүртгэхэд анхаарах асуудал”-аар  Хуулийн этгээдийн улсын бүртгэлийн газрын дарга Ж.Аюуш, “Архивын эх нотлох баримтын данс бүртгэл, цахимжуулалт,  нөхөн бүрдүүлэлт болон тоо мэдээний өнөөгийн байдал” сэдвийн хүрээнд Улсын бүртгэлийн нэгдсэн архивын дарга С.Оюунгэрэл нар тус тус илтгэлээ хэлэлцүүлэн, мэдээлэл хүргэж харилцан санал солилцлоо.

Маргааш буюу 2020 оны 04 дүгээр сарын 16-ны сургалтаар “Мэдээллийн технологи ба аюулгүй байдал” сэдвээр  Мэдээллийн технологийн газрын дарга Д.Ган-Эрдэнэ, “2020 оны төсөв, цаашид анхаарах асуудал”-аар Санхүү төлөвлөлтийн газрын дарга С.Тэрбиш, “Улсын бүртгэлийн хууль тогтоомжийн биелэлтэд хяналт тавих үйл ажиллагаа, Монгол Улсын Их Хурлын сонгуулийн бэлтгэл ажлыг хангах хүрээнд хэрэгжүүлсэн ажлууд, анхаарах асуудал” сэдвийн хүрээнд Хяналт шалгалтын газрын дарга Б.Ганзориг, “Улсын бүртгэлийн байгууллагын орон нутаг дахь газар, хэлтсийн 2019 оны үйл ажиллагааны үр дүн”  сэдвийн хүрээнд Бодлого төлөвлөлт, дүн шинжилгээний газрын дарга Г.Цэцгээ нар тус тус илтгэлээ хэлэлцүүлэн, холбогдох мэдээллийг хүргэнэ. Цахим сургалтын төгсгөлд УБЕГ-ын дэд дарга Д.Дэлгэрсайхан уг сургалтын үйл явцын дүгнэлтийг хийж, үр дүнг танилцуулснаар хоёр өдөр үргэлжлэх Улсын бүртгэлийн байгууллагын удирдах ажилтны цахим  сургалт өндөрлөх юм.

Filed in: Мэдээ мэдээлэл

You might like:

МУИХ-ын сонгуулиар ажиллах итгэмжлэгдсэн ажилтнуудад цахим сургалтыг зохион байгуулав. МУИХ-ын сонгуулиар ажиллах итгэмжлэгдсэн ажилтнуудад цахим сургалтыг зохион байгуулав.
Хяналтын улсын байцаагч онлайн сургалтанд хамрагдав. Хяналтын улсын байцаагч онлайн сургалтанд хамрагдав.
Дорноговь аймагт бүртгэлтэй нийт компани, байгууллагын үүсгэн байгуулагч, гүйцэтгэх захирлын анхааралд Дорноговь аймагт бүртгэлтэй нийт компани, байгууллагын үүсгэн байгуулагч, гүйцэтгэх захирлын анхааралд
Хуулийн этгээдийн оноосон нэрийн баталгаажуулалтын систем Хуулийн этгээдийн оноосон нэрийн баталгаажуулалтын систем
© 2020 ДОРНОГОВЬ АЙМАГ УЛСЫН БҮРТГЭЛ. All rights reserved. XHTML / CSS Valid.
Proudly designed by Theme Junkie.